Алматы полициясы “Facebook” желісінде тіркелген барлық учаскелік пункттердің парақшаларын ұсынды
Алматы полициясы “Facebook” желісінде тіркелген барлық учаскелік пункттердің парақшаларын ұсынды, – деп хабарлайды Polisia.kz.
Бүгінгі күні барлық 102 полиция бөлімшелерінің өкілдері “Facebook” желісіне тіркелген. Учаскелік инспекторлар әлеуметтік желіге келіп түскен сигналдарды қабылдау және олар бойынша шаралар қабылдау үшін қолданады.
– Азаматтардың көпшілігі бұрыннан білетіндей, Алматы қалалық ПД бастығы Қанат Даниярұлының парақшасында қаланың учаскелік пункттерінің барлық байланыстары, соның ішінде жауапты учаскелік полиция инспекторларының ұялы телефондары мен парақшаларының сілтемелері жарияланған. Бұл жаңалықтар азаматтарға аумақтық сигналды тікелей жіберуге мүмкіндік береді. Мысалы, кез-келген азамат осы әлеуметтік желінің қолданушысы бола отырып, кез-келген құқық бұзушылық туралы бейнені немесе фотосуретті қысқаша сипаттамасымен қоса шағымдануын тастай алады. Бұл түнгі көршілердің шуылы, кіре берісте темекі шегу, қоқысты дұрыс емес жерге лақтыру және басқа да әкімшілік құқық бұзушылықтар болуы мүмкін. Біздің қызметкер сигналды қабылдайды және өз өкілеттігіне сәйкес әрекет етеді. Егер шағым полицияның құзыретіне кірмейтін болса, учаскелік полиция қызметкері сізге қандай қызметке жүгіну керектігін айтады. Осылайша, бұл азаматтарға сөзбе-сөз, жазылған сигналды жіберуге және қызметкердің жедел әрекет етуі үшін бюрократиялық рәсімдерін болдырмауға мүмкіндік береді. Ең бастысы, біздің шаһардың барлық тұрғындары өздерінің учаскелік полиция қызметкерімен тікелей байланысуға мүмкіндігі бар, – деді Алматы қаласы ПД жергілікті Полиция қызметі басқармасының бастығы Манап Саттаров.
Сондай-ақ, Жергілікті полиция қызметінің басшысы жауапты полиция қызметкерлерінің барлық парақшалары кері байланыс және тиісті қызметтердің азаматтардың сұраныстарына уақытында жауап беруі үшін тексерілетініне сендірді.
