Ақмола облысы бойынша ҚАЖД ЕЦ-166/4 мекемесінің қызметкерлері қазақстандық полицейлердің кәсіби мерекесі күнін ерекше атап өтуге шешім қабылдады, – деп хабарлайды Polisia.kz.
Атбасар қаласының орталық алаңында қауіпсіздігі барынша жоғары мекеменің офицерлері қала тұрғындары мен қонақтары үшін концерттік бағдарламаны ұйымдастырды және аудан орталығының алаңында жиналған балаларды балмұздақ, тәтті мақта және басқа да тәтті тағамдармен қуантты.
Балалардың қуанышында шек болмады – шын мәнінде погондардағы адамдар күлімсіреген және мейірімді адамдар екенін балаларға көрсетті. Қала тұрғындары қызметкерлерді кәсіби мерекелерімен құттықтап, оларға өз ризашылығын білдірді.
ҚАЖ қызметкерлерінің мерекелік акциясын Ұлттық ұланы 5510 әскери бөлімінің сарбаздары мен аудандық мәдениет үйінің шығармашылық ұжымы қолдады.
