Ақмолада 2 жасар бала канализация септигіне түсіп кетті, – деп хабарлайды Polisia.kz.
14 маусым сағат 11.30 шамасында Бұланды АПБ кезекші бөліміне ауылдардың бірінің тұрғынынан 2 жастағы бүлдіршін жеке тұрғын үйдің ауласында абайсызда канализация септигіне түсіп кеткені туралы телефон хабарламасы келіп түсті.
Оқиға орнына дереу арада полиция, ТЖБ қызметі, жедел медициналық көмек қызметкерлері келді. Баланың оқиға орнында есін жимастан қайтыс болғаны анықталды.
