Ақтөбелік полицейлер қоғамдық тәртіпті нығайту бойынша қарқынды шаралар қабылдауда, – деп хабарлайды Polisia.kz.
Патрульдік полиция қызметкерлері 04 қазан күні сағат 17.20-да қызмет атқару кезінде Чекалин көшесінде орналасқан КА-168/2 мекемесінің жанында жергілікті екі тұрғынды тоқтатты.
Өткізілген сараптама қорытындысына сәйкес ұсталған азаматтар есірткілік масаң күйде болған, сондай-ақ олардан жасыл түсті, ерекше иісі бар өсімдік тектес зат салынған қағаз орама алынды.
Аталған факт негізінде ҚР ҚК-нің 296-бабының 2-бөлігі (Есірткі, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) бойынша сотқа дейінгі тергеу жүргізілуде.
