Талдықорғанда облыс әкімі Амандық Баталовтың кадет сыныбының
жас құтқарушыларымен кездесуі өтті,-деп хабарлайды Polisia.kz.
Алматы облысы Іле ауданы Өтеген Батыр кентіндегі №7 орта мектепте
2019 жылдың қыркүйек айында азаматтық қорғау органдарын жаңғырту және
көпшілікке тарату мақсатында Қазақстандағы тағы бір жас
құтқарушылардың “Smartsarbaz” – “Жас өрт сөндіруші”кадет сыныбы
ашылды.
Кадет сыныбы-бұл қазақстандық педагогикада оқушыларды оқыту мен
тәрбиелеудің жаңа түрі. Ол серіктестік сезімін қалыптастырады,
балаларымыздың бойында міндетті, өз уақытын жоспарлай алатын тәртіпке
тәрбиелейді. Азаматтық қорғау саласына бағытталған сыныпты құрудың мақсаты болашақ құтқарушыларды мектеп қабырғасынан бастап дайындау.
Бүгінгі күні жас құтқарушылар Талдықорған қаласына Алматы облысы
ТЖД-дан келген үлкен жолдастарының қалай жұмыс істейтінін көруге келді.
Сапар бағдарламасы Департамент пен оның ведомстволық бағынысты құрылымдарымен танысудан басталды. Балалар Төтенше жағдай департаменті бастығы азаматтық қорғау полковнигі Ерлан Садкенұлы
Нұрпейісовпен танысып, әңгімелесті.Қаза тапқан өрт сөндірушілердің ескерткішіне гүл шоқтарын қойды. Оқушылар ТЖД қасбетіне экскурсия жасады. “Шаман”, “Трэкол”, “Bronto Skylift F54” автокінді көтергіші, құтқарушылар мен өрт сөндірушілердің жабдықтарын, кинологиялық қызметті, өрт сөндіргіштің көмегімен от ошағын сөндірудің практикалық
демонстрациясын, шабуыл сатысымен көтеруді және зардап шеккенді 4-қабаттың терезесінен түсіруді көрді. Одан кейін ТЖД Дағдарыс орталығына
барып, жас қонақтарға дағдарыс жағдайында басқару және күштер мен
құралдарды Орталық жедел басқару мамандары қалай жұмыс істейтінін
көрсетті.
Кадеттер ТЖД қызметкерлеріне концерттік бағдарлама, хор, тақырыптық музыкалық нөмірлер, көркем оқу дайындады. Концерттен кейін “Jas Otan” жастар қанатының волонтерлері кадеттерге естелік сыйлықтар табыс етті. Кадет сынып оқушылары үшін Алматы облысының әкімі Амандық Баталовпен кездесу үлкен оқиға болды. Өңір басшысы өзінің жұмыс кестесінде жас құтқарушылармен кездесу үшін уақыт бөліп, сапардан естелік түрінде Смарт-LED теледидар сыйлады.
Тағы бір экскурсия ТЖД мұражайында өтті. Балалар ХХ ғасырда
табиғи және техногендік сипаттағы төтенше жағдайды жою үшін өрт сөндірушілер мен құтқару құрамаларының жауынгерлері пайдаланған құрал – жабдықтарын көрді.Кадеттердің облыс орталығына сапары “Жастар” мәдениет және демалыс саябағына барып, оқушылар сарайына экскурсиямен аяқталды.
