Есірткі заттарын сақтағаны, өңдегені және өткізгені үшін сотталған өзінің қылмыстық жолға қалай түскенін және нашақорлықтан арылудың неліктен қиын екенін айтты, – деп хабарлайды Polisia.kz.
2021 жылдың ақпан айында Андрей телефонындағы қолданбалы бағдарлама арқылы психотроптық зат сатып алған. Оған “бетбелгі” тұрған мекенжай берілді. Осы сәттен бастап ол тұрақты тұтынушыға айналды, “жылдамдық” сатып алып, оны үнемі қолдана бастады. Кейінірек оған “тұзды” өзі орап, оны бетбелгілер түрінде тарату ұсынылды. Бұл үшін оған жалақы төленді.
– Мен өзімнің заңсыз әрекеттермен айналысатынымды жақсы білдім. Менің ойымша, өте сақ болдым. Бірақ соған қарамастан мені тауып, соттады. Басқаша мен тоқтамас едім. Мен пайдалануды жалғастырып, миымды кептіретін едім. Өйткені сен “қылтиып жүргенде” (пайдаланғанда) барлық ой тек осы туралы болады – оны қайдан алуға, ақшаны қайдан табуға болады. Қазір менің ақыл-ойым ақаусыз, санам ашық, қамауға алынған кезден бастап есірткі пайдаланбағанмын, одан бері бір жыл өтті. Мен мұны істеп жатқандардың бәріне “Тоқтаңыз!” деп айтқым келеді. Сіз өз және басқалардың өмірін құртып жатырсыз! Уақыт өте тәуелді адамдарда қасиетті болып ештеңе қалмайды. Менің ата-анам ауқатты адамдар, олар менің туған күніме ақша берді – мен олармен меф сатып алдым. Міне, мен еңіспен төмен түстім. Ал мені ұстамағанда не болары белгісіз. Сол “достардың” бәрі кетті. Олар менің өмірімнен із-түзсіз жоғалды, – дейді Андрей.
– Сот үкімімен ол мүлкі тәркіленіп, алты жарым жылға бас бостандығынан айырылды. Сонымен қатар, нашақорлық пен алкоголизмнен мәжбүрлеп емдеу тағайындалды. Емдеу колонияда жүргізіледі. Ол психологпен де жұмыс істейді. Отбасымен әлеуметтік байланысты сақтау мақсатында тұрақты түрде бейнебайланыстар жүргізіліп тұрады, – деп түсіндірді мекеме бастығы Куаныш Койчубаев.
Айтпақшы, бостандықта Андрейді әйелі мен үш баласы күтуде.
