Павлодар облысында рұқсат етілмеген жерді кесіп өткен 3 мыңнан астам жаяу жүргінші анықталды, – деп хабарлайды Polisia.kz.
Жаяу жүргіншілер – жол қозғалысының ең қорғалмаған мүшелері. Бірақ, кейбір жағдайларда олар қауіпті болуы мүмкін, өйткені жол тек өздеріне тиесілі деп санайды және көлік бірнеше секунд ішінде тоқтай алмайтынын ұмытып кетеді, әсіресе жер тайғақ болған кезде. Жол ережелерін елемейтін көбінесе жасөспірімдер, олар өздерінің гаджеттеріне қарап, айналасында болып жатқан оқиғаларды байқамайды. Егде жастағы тұрғындар жаяу жүргіншілер өткелінен өтуге ерініп, жол ережелерін жиі бұзады.
– Бүгінгі таңда облыстың 3606 тұрғыны жақын жерде тротуар немесе жаяу жүргіншілер жолы болған кезде рұқсат етілмейтін жерден өткені үшін жауапкершілікке тартылды. Бұзушы – жаяу жүргіншілерге 2 АЕК мөлшерінде айыппұл салынады, бірінші бұзушылықтан кейін бір жыл ішінде рұқсатсыз жерден қайта өтсе 10 АЕК мөлшерінде айыппұл салуға әкеп соғады, – деп хабарлайды Павлодар облысының ПД.
Жыл басынан бері 1140 жүргізуші жаяу жүргіншілерге жол бермеді. Мысалы Павлодар қаласында Н. Назарбаев даңғылының бойында облыс орталығының 48 жастағы тұрғыны жолдың жүріс бөлігін рұқсатсыз жерден өткен. Басқа жағдайда, Daewoo Nexia автокөлік жүргізушісі реттелмейтін жаяу жүргіншілер өткелі арқылы жолдан өткен жаяу жүргіншіге жол бермеді. Жаяу жүргіншіге жол бермегені үшін жүргізуші 10 АЕК мөлшерінде айыппұл салумен жазаланады.
