Павлодар полицейлері қонақ үй иелеріне шетелдіктерді қабылдау ережелерін түсіндірді, – деп хабарлайды Polisia.kz.
Павлодар облысы өңірлік кәсіпкерлер палатасының конференц-залында облыстық Полиция департаменті көші-қон қызметі басқармасының бастығы Дәулет Ысқақовтың, қалалық қонақ үйлердің иелерінің, сондай-ақ басқа да мүдделі органдардың қатысуымен кеңес өтті.
– Біздің кездесуіміздің мақсаты – қонақ үйлер мен хостелдердің иелеріне тәртіпті түсіндіру, сондай-ақ шетел азаматтарын уақтылы тіркеу. Соңғы күндері келетін шетелдік азаматтардың көбеюіне байланысты біз үшін қонақ үй бизнесі өкілдерімен үздіксіз байланыс орнатып, қанша адам қоныстанып, өмір сүріп жатқанын білу және құқықтық тәртіпті сақтауды қамтамасыз ету үшін жедел жағдайды толық меңгеру маңызды, – деді Дәулет Ысқақов.
Тәртіп сақшысы жиналғандарға тіркеу үшін жауапкершілік толығымен қабылдаушы Тарапқа жүктелетінін нақтылады. Бұл дегеніміз, егер шетелдік азамат қонақ үйге немесе жатақханада тоқтаса, онда әкімшілік көші-қон қызметіне 3 жұмыс күні ішінде хабарлауға міндетті. Мұны үш тәсілмен жасауға болады: e-QONAQ ақпараттық жүйесі (туристерді есепке алудың бірыңғай жүйесі), EGOV «электрондық үкімет» порталы (визалық және көші-қон порталы) арқылы www.vpm.gov.kz) немесе көші-қон қызметіне жүгіну жолымен жүзеге асырылады.
Сондай-ақ, басқарма бастығы хабарламаның Қазақстан аумағында 90 күнге дейін болу құқығын беретінін атап өтті. Сонымен қатар, хабарлама шетелдіктің біздің елге келгені туралы ғана емес, тұрғылықты жерін ауыстырған немесе басқа облысқа кеткен сайын беріледі.
Дәулет Ысқақов бұл рәсімнің келген азаматтардың есебін жүргізуге, олардың елде болуы мен жүріп-тұруына, сондай-ақ республика аумағындағы құқықтық тәртіпті бақылауға мүмкіндік беру үшін қажеттілігін атап өтті.
Кездесу барысында түрлі жағдайлар мен оларды шешу жолдары қарастырылды, сондай-ақ қонақ үй иелері сұрақтар қойып, ұсыныстар енгізді. Қатысушылар полиция қызметкеріне өзекті және толыққанды ақпарат үшін, сондай-ақ тұрақты және тығыз байланыс үшін алғыс білдірді.
