Павлодарлық полицейлер джиу-джитсудан халықаралық чемпионаттың жүлдегері атанды, – деп хабарлайды Polisia.kz
Қарағанды қаласында 29-31 шілде аралығында өткен “Karaganda BJJ Open Campionship” ашық халықаралық чемпионатында Павлодар облысы ПД полицейлері Рустам Күзембаев пен Руслан Костоев өздерінің спорттық дағдыларын көрсетті. Чемпионатқа Қазақстан, Германия, Әзірбайжан, Ресей спортшылары қатысты. 74 клубтың мыңнан астам спортшысы бақ сынасты.
Қатысушылардың әрқайсысы үш жекпе-жек өткізді. 94 келі салмақ дәрежесінде Руслан Костоев шыдамдылық танытып, күміс жүлдеге ие болды. 77 келі салмақ дәрежесіндегі ақтық сында Рустам Күзембаев қола жүлдеге ие болды.
– Чемпионатта лайықты бәсекелестік болды, барлық қарсыластар техникалық жағынан өте мықты болды. Мен ерте жастан бастап күреспен айналысамын, салауатты өмір салтын ұстанамын. Спорт мінезді, рухты және ерік-жігерді шыңдайтынына сенімдімін. Осындай спорттық іс-шараларға қатысу маған күш-жігерімді тексеруге, спорттық шеберлігімді жетілдіруге мүмкіндік береді. Барлық қатысушылар жекпе-жектің алғашқы минуттарынан бастап батыл және белсенді күрес көрсетті. Менде де осындай жеңіске жету деген көңіл-күй болды, мен жүлделі орынға ие болу үшін бәрін жасадым. Қол жеткізген жетістіктермен тоқтап қалмайтыныма, үнемі дамып, үлкен жеңістерге ұмтылатыныма сенімдімін, – дейді Руслан Костоев.
Айта кетейік, спортшы-полицейлер Руслан Костоев пен Рустам Күзембаев – тәжірибелі жауынгерлер. Олар джиу-джитсу және “ТЕАМ ғасыры” грэпплинг академиясының бас жаттықтырушысы Заирбек Әбілқадыровтың сабағын алған, тек республикалық қана емес, халықаралық турнирлерде де жеңіске жеткен.
