Тәртіп сақшылары жүргізушілер мен жаяу жүргіншілерді жолда сақ болуға шақырады, – деп хабарлайды Polisia.kz.
Павлодар облысында биыл жол қозғалысы ережелерін бұзудың 74 мыңға жуық дерегі анықталып, жолы кесілді. Барлық құқық бұзушы заң аясында жауапкершілікке тартылды.
Жол ережелерін сақтамау – жол-көлік оқиғаларының негізгі себептерінің бірі. Сондықтан полиция қызметкерлері жүргізушілер мен жаяу жүргіншілерге келесі негізгі ережелерді қатаң сақтауға шақырады.
Жүргізушілерге:
- Жылдамдық шектеулерін сақтау;
- Жаяу жүргіншілер өткелдері мен аялдамалар маңында жылдамдықты азайту;
- Рөлде гаджет қолданбау;
- Қашықтық сақтау және өзге қатысушыларды құрметтеу;
- Жол ережелерін үнемі қайталап отыру.
Жаяу жүргіншілерге:
- Жолды тек белгіленген жерден және жасыл жарықта өту;
- Жолдан өтерде телефон мен құлаққапқа алаңдамау;
- Қараңғы уақытта сақ болу;
- Жол жиегінде жүгірмеу;
Әрбір жол қозғалысына қатысушы өз өмірі мен қауіпсіздігіне жауапты. Ережелерді сақтау – жол апаттарының алдын алып, қауіпсіздікті арттырады.
