Қызылорда облысы Полиция департаментінің Есірткі қылмысына қарсы іс-қимыл басқармасыжазғы демалыс кезеңінде іс-шаралар өткізу аясында “Мен өмірді қалаймын!” ұранымен есірткіге қарсы өлендерді мәнерлеп оқу сайысын ұйымдастырды, – деп хабарлайды Polisia.kz.Іс-шара нашақорлық пен уытқұмарлықтың алдын алуға бағытталған ақпараттық-насихаттау жұмысы аясында өткізілді.
Жарыстың мақсаты – балалар мен жасөспірімдердің психобелсенді заттардың таралуына және қолданылуына теріс қарым-қатынасын дамыту, салауатты және қауіпсіз өмір салты дағдыларын қалыптастыру болып табылады. Байқауға қатысушылар өлеңдерді мәнерлеп оқу дағдыларын, сондай-ақ нашақорлық мәселесіне теріс көзқарасын көрсетті.
Байқау шарты бойынша сайыскерлер есірткіге қарсы өлең оқып тұрған видеосы мен тақырыпқа сәйкес фото суретін әзірлеп, “Instagram” желісіндегі өз парақшасына салып Есірткі қылмысына қарсы іс-қимыл жөніндегі басқармасының парақшасын белгілеу қажет болатын.
Барлық жас қатысушылар алғыс хаттармен марапатталып, сыйлықтар иеленді.
