Республикалық “Жолда қабылдау” акциясы жалғасып жатыр, – деп хабарлайды Polisia.kz.
Қазақстан Республикасы Ішкі істер министрі Ерлан Тұрғымбаевтың тапсырмасына сәйкес, 2020 жылғы шілденің 17 – 18-і күндері сағат таңғы 09:00 ден кешкі 19:00 ге дейінгі аралықта “Жолда қабылдау” акциясы Шымкент қаласы Полиция департаментінің ұйымдастыруымен мына мекенжайларда яғни “Достық” мөлтекауданында (Арнайы халыққа қызмет көрсету орталығы) және “Қайтпас-2” мөлтекауданы Қ.Төлеметов көшесі (бұрынғы Процессинг орталық) нөмірсіз үйде өткізіледі.
“Жолда қабылдау” акциясының ұйымдастырылуына байланысты Call-орталықтың +7 708 345 65 74 арнайы телефон нөмері жұмыс істейтін болады. Сондай-ақ тұрғындар Полиция департаментінің ресми аккаунттарында фейсбук (https://www.facebook.com/profile.php?id=100027655879383) және Instagram (https://www.instagram.com/police_shymkent/) әлеуметтік желілері арқылы акцияның өту барысын тамашалап, өздерін толғандырған сұрақтарына онлайн форматында жауап алатын болады. Кең көлемді акцияның мақсаты – тұрғындарға заңдық тұрғыдан кеңес беріп, жол қауіпсіздігін қамтамасыз етіп, көші-қон заңнамасын сақтау, жүргізуші куәліктерін, автокөліктерді тіркеу, төлқұжаттар мен жеке куәліктерді беру, жол қозғалысын ұйымдастыру, көлік құралдарын қайта жабдықтау, сондай-ақ Әкімшілік құқық бұзушылық үшін айыппұл төлеу сынды бағыттар бойынша түсіндірме жұмыстарын жүргізіп, сала мамандары тарапынан кеңес берілмек.
Айта кетейік, акция карантиннің барлық талаптарын қатаң сақтай отырып, өткізіледі.
