Ақпараттық медиа-портал POLISIA.KZ

Шымкентте мал сою және мал сату орындары қатаң бақылауға алынды

Шымкентте “Құрбан айт” мерекесі күндері мал сату және мал сою орындары қатаң бақылауда тұр, – деп хабарлайды Polisia.kz.

Биыл елімізде алғаш рет құрбандық шалу онлайн тәртіпте жүзеге асырылуда. Ондағы мақсат – коронавирус инфекциясының таралуына жол бермеу болатын. Шымкент қаласы Бас мемлекеттік санитариялық дәрігерінің №29 Қаулысына енгізілген шектеулердің сақталуын Шымкент қаласы Полиция департаменті Жергілікті полиция қызметі қызметкерлері бақылауға алды. Нақтырағы патрульдік полиция полькі және мобильді учаскелік инспекторлар жасақталып қала аумағындағы М.Дулати және Жібек жолы көшелері мен Коммунизм елді-мекенінде тұрақты түсіндіру жұмыстарын қолға алып, бақылауды күшейткен. Айта кетейік, Шымкент қаласы аумағында тек бір ғана Қаратау ауданы, Бозарық саяжайы “Халал қасап” кешенінде Қазақстан Мұсылмандары діни басқармасының онлайн құрбандық шалу жүйесі арқылы тапсырыс берген азаматтардың малдарын союға рұқсат берілген.

Сондай-ақ Шымкент қаласының кіре беріс жолдарына 17 бекет қойылып, полиция қызметкерлері мал тасымалдайтын көліктерді тексеріп, мал тиеген жүк көлігін анықтап, кері қайтару жұмыстарын жүргізіп жатыр.

Бұл шара эпидемологиялық ахуалға байланысты жүзеге асырылып отыр. Сондықтан, қала тұрғындарын қауіпті індетпен күресте сақтық шараларын барынша сақтап, түсіністік танытуға шақырамыз.

Сондай-ақ ұнауы мүмкін

Жауап қалдыру

Электрондық почтаңыз жария етілмейді.