Түркістан қаласында интернет-алаяқтық қылмыстарының алдын алу мақсатында полиция қызметкерлері тұрғындар арасында түсіндіру жұмыстарын жүргізді, – деп хабарлайды Polisia.kz.
Азаматтарға алаяқтықтың кең таралған тәсілдері түсіндіріліп, жеке мәліметтерін, банк картасы мен есепшот деректерін бөгде адамдарға бермеу қажеттігі ескертілді.
Сондай-ақ интернет-алаяқтықтан сақтану жолдары көрсетілген мыңға жуық жадынама таратылды.
Тәртіп сақшылары азаматтарды қырағылық танытып, күмәнді сілтемелерге өтпеуге және бейтаныс адамдардың қаржылық ұсыныстарына сенбеуге шақырады.
Алаяқтықтың алдын алудың басты жолы – сақтық пен ақпараттық сауаттылық.
