Кафеде оқ атқан тараздық Алматыда ұсталды, – деп хабарлайды Polisia.kz.
7 сәуірде Жамбыл облысы Полиция департаментінің Криминалдық полиция басқармасының қызметкерлерімен 25 ақпанда Тараз қаласындағы кафеде екі тұрғынға оқ атқан күдікті ұсталды.
Қазақстан Республикасы Қылмыстық кодексінің 24-бабы 3-бөлігі, 99-бабы 2-бөлігі бойынша қылмыс жасады деген күдікпен халықаралық іздеуде жүрген 36 жастағы Тараз қаласының тұрғыны жедел-іздестіру іс-шараларын жүргізу барысында полиция қызметкерлерімен Алматы қаласынан анықталып, құрықталды.
Күдікті өз кінәсін толық мойындады.
Қазіргі уақытта ол Тараз қаласындағы тергеу изоляторына қамаққа алынды. Тергеу амалдары жүргізілуде.
