Маңғыстау облысында жыл қорытындысы бойынша үздік тәртіп сақшылары марапатталды, – деп хабарлайды Polisia.kz.
2020 жылдың қорытындысы бойынша қызметте жеткен жетістіктері, өз қызметтік міндеттерін адал атқарғаны үшін жедел-криминалистикалық, тергеу және анықтау қызметтерінің 19 қызметкері грамоталармен және алғыс хаттармен марапатталды.
Департамент бастығының бұйрығымен марапатталған қызметкерлерге жергілікті бөлініс басшылары марапаттарды табыстай отырып, оларға мықты денсаулық пен күш-қайрат, алдағы жұмыстарына сәттілік тіледі.
