Ақмола облысының оқушылары жүргізушілерге әсерлі хаттар жолдады, — деп хабарлайды Polisia.kz.
Ақмола облысында жазғы демалыс алдында оқушылар ересектерге ең бастысы - жолдағы қауіпсіздікті еске салды. Балалар жүргізушілерге хат жазып, эмоцияға толы суреттер салды.
Акция "Қауіпсіз жол", "Назар аударыңыз-балалар!" және "Назар аударыңыз, жаяу жүргінші!” ЖПІШ аясында өтті. Облыстың 56 мектебінен 1000-нан астам оқушы жүргізушілерге "Өтінемін, жылдамдықты асырмаңыз", "Бізді үйде ата-аналарымыз күтеді", "Жаяу жүргіншілер өткелдерінде абай болыңыз" қарапайым, бірақ өте маңызды сөздерін жеткізді.
Бұл хаттарды балалар полиция қызметкерлерімен бірге облыс жолдарында автокөлік жүргізушілеріне тапсырды. Көптеген жүргізуші мұндай сөздер шынымен ойландыратынын айтып мойындады.
— Оқушылар шынайы сөздерімен және суреттерімен жүргізушілердің көңілдерін босатты. Жүргізушілер хаттарды оқып, жауапкершілікті еске салып, ойландырды, - деп атап өтті Ақмола облысы ПД әкімшілік полиция басқармасының бастығы Ержан Қошқарбаев.
Полиция балалардың бұл хаттары ересектерге әр баланы үйде аман күтіп отырған жандар барын еске салатынына сенімді.
