Ақтөбеде күдіктінің ағасы тергеу изоляторына есірткі өткізбек болды, – деп хабарлайды Polisia.kz.
Ақтөбе қалалық тергеу изоляторының қызметкерлері тыйым салынған заттарды алып өтудің жолын кесті.
Оқиға Ақтөбе облысы бойынша ҚАЖ департаментінің КА-168/1 қауіпсіздігі аралас мекемесінде болды. Режимдік-профилактикалық іс-шараларды өткізу барысында тергеу изоляторының қызметкерлері ҚР Қылмыстық кодексінің 297-бабы бойынша күдіктінің ағасы – 45 жастағы ер адамды ұстады. Күртешемен ақтөбеліктер өзіне тән иісі бар жасыл түсті үгілмелі затты алып өтуге тырысты. Мекеме қызметкерлерінің айтуынша, тауар сыртқы киімнің синтепон астарының ішіне жасырылған.
Аталған факті бойынша дереу жедел-тергеу тобы шақыртылды, материал сотқа дейінгі тергеу жүргізу үшін ақпаратты есепке алу кітабында тіркелді.
Айта кетейік, жігіт ағымдағы жылдың тамыз айынан бастап қамауда отыр, осы іс бойынша оған есірткі заттарын заңсыз дайындау, қайта өңдеу және сатып алу бойынша айып тағылды.
