Ақтөбеде ҚАЖД-ның ұйымдастыруымен мемлекеттік тапсырыстарды орындау мәселелері талқыланды, - деп хабарлайды Polisia.kz.
Мемлекет басшысы мен Президент Әкімшілігі басшысының тапсырмаларын орындау мақсатында №8 мекемесінде Ақтөбе облысы бойынша қылмыстық-атқару жүйесі департаменті ұйымдастырған жұмыс кеңесі өтті.
Іс-шараға "Еңбек-Жайық" РМК өкілдері, шағын және орта бизнес субъектілері, сондай-ақ ҚАЖ мекемелеріндегі өндірістік қызметке тартылған ұйымдар қатысты.
Кеңес барысында мемлекеттік тапсырыстарды қамтамасыз ету мәселелері, оның ішінде мектеп жабдықтарын, арнайы киімдер мен жиһаздарды жеткізу сұрақтары қаралды.
Сондай-ақ жиынға Ақтөбе қаласының Астана және Алматы аудандары әкімдіктерінің өкілдері қатысты.
Кездесу қорытындысы бойынша мемлекеттік тапсырыстарды тиімді орындауға және ҚАЖ мекемелерінің өндірістік әлеуетін дамытуға бағытталған алдағы өзара іс-қимыл бағыттары айқындалды.
