Атыраулық тұрғыннан 120 келіден астам бекіре тұқымдас балықтар тәркіленді, – деп хабарлайды Polisia.kz.
Атырау облысы аумағында 1 сәуір мен 31 мамыр аралығында “Бекіре – 2024” жедел-профилактикалық іс-шарасы өткізіліп жатыр.
Іс-шара барысында Атырау облысы ПД балық қорларына қылмыстық қолсұғушылыққа қарсы күрес бөлімінің қызметкерлері Шекара қызметкерлерімен 5 сәуір күні сағат 05:00 шамасында Дамба поселкесіндегі Жайық жағалауында 36 жастағы р адамның автокөлігінің жанынан 5 қапшыққа салынған жалпы салмағы 121 келі 800 грамм болатын бекіре тұқымдас балық анықталып, тәркіленді.
Тәркіленген балықтар “Жайық-Атырау бекіре тұқымдас балықтарын өсіру” зауытына тапсырылды. Күдіктіге қатысты қылмыстық іс қозғалды.
