Тараздық полицейлер жүкті әйелді ауруханаға жеткізуге көмектесті, – деп хабарлайды Polisia.kz.
Әкімшілік аумақты патрульдеу барысында полиция батальонының қызметкерлеріне тұрғындар көмек сұрап келген. Олар шалғай мөлтек ауданнан келе жатқанын, автокөлікте жүкті әйелдің толғағы басталғанын және оны шұғыл түрде ауруханаға жеткізу керектігін айтқан.
Оқиғаның мән-жайын естіген патрульдік полиция батальонының инспекторлары Фархат Қалымбетов пен Жұмабай Оспантаев автокөліктің кедергісіз жедел түрде ауруханға жетуін қамтамасыз еткен.
ВИДЕО МҰНДА
Әйел тез арада аурухананың қабылдау бөліміне жеткізілген. Жас ана мен оның туыстары ойланбастан жедел көмек көрсеткені үшін полиция қызметкерлеріне өз алғыстарын білдірді.
