Ақмола облысының учаскелік полиция инспекторы Руслан Кравцунов Polisia.kz редакциясына қызметі жайлы айтып берді.
Мемлекет Басшысы Қасым-Жомарт Тоқаев құрылтайда сөйлеген сөзінде барлығы прогрессивті стандарттарға сай болуы керек, әркім адал еңбек етіп, адалдық пен әділдікті бәрінен жоғары қоя отырып, лайықты табысқа жетуі тиіс екенін атап өтті. Осы асыл қасиеттерді бейнелейтін адамды – адал азамат деп айтамыз.
Ақмола облысының полиция департаментінде адал азамат деген сөзге Атбасар ауданы ПБ жергілікті полиция қызметі бөлімшесінің учаскелік полиция инспекторы Руслан Кравцунов сәйкес келеді. Руслан тек әріптестері арасында ғана емес, ауданның қарапайым азаматтары арасында да құрметке ие. Әріптестерінің пікірінше, ол өз учаскесінде адал және жауапкершілікпен жұмыс істей отырып, адалдық пен әділдікті бәрінен жоғары қояды.
Жоғарыда аталған барлық қасиеттің дәлелі – оның учаскесінде тұратын азаматтар. Тұрғындар оның кез келген сәтте көмекке дайын екенін, қиын сәтте қастарынан табылатынын жақсы біледі. Оның кәсібилігінің дәлелі – жақында болған оқиға.
Тәртіп сақшысынан зейнеткердің туыстары көмек сұрады. Олардың айтуынша, әжелерінің үйіне кіре алмаған, сәйкесінше қарт кісі ауырып қалуы мүмкін деген қорқыныштары болған. Көрсетілген мекенжайға дереу келген полиция қызметкері 3-қабатта тұратын жалғызбасты зейнеткердің инсульт алғанын білді, бірақ есік ішінен құлыптаулы болды. Дабыл қаққан туыстары жедел жәрдем станциясына бірден қоңырау шалды. Алайда есікті ашатын құтқару бригадасын күтуге мәжбүр болды. Әр минуттың құндылығын түсінген Руслан бір секундқа да ойланбастан терезені сындырып, пәтерге өзі кірді. Осы кезде дәрігерлер тобы келді, олар пәтерге кедергісіз кіріп, зейнеткерге көмек көрсете алды.
Бұл учаскелік полиция қызметкерінің ең стресстік жағдайларда көмектесе алған жалғыз оқиға емес. Батырдың айтуынша, ол үшін заң қызметкері ретінде қарапайым азаматтар мен қоғам үшін пайдалы болғаны, әрдайым адал қызмет етуі маңызды.
– Мен барымды салып қызмет етемін. Өзімнің адал жұмысымнан, жұршылықтың алғысынан ляззат аламын. Кәсіби маман ретінді бағала, бұл өте жақсы, – деді Руслан Кравцунов.
