Жетісу облысында "Жас сақшы" сыныбының оқушыларына мәдени сабақ ұйымдастырылды, – деп хабарлайды Polisia.kz.
Қазақ халқының сан ғасырлық салт-дәстүрлері — жай ғана әдет-ғұрып пен рәсімдер емес, ұрпақтан ұрпаққа жалғасып келе жатқан тұтас рухани мәдениет. Ол ата-бабалар даналығын сақтап, болашақ ұрпақтың рухани негізін қалыптастырады.
Мәдениет және ұлттық дәстүрлер күніне орай Сәкен Сейфуллин атындағы кітапханада "Жас сақшы" полиция сыныбының оқушыларына арналған танымдық іс-шара өтті. Жастарға қазақ халықтың бай мұрасы, салт-дәстүрлері, отбасы құндылықтары мен ғасырлар бойы халықты біріктіріп, үлкенге құрмет, туған жерге сүйіспеншілік және қоғам алдындағы жауапкершілік сезімін тәрбиелеген әдет-ғұрыптар туралы кеңінен айтылды.
Мұндай кездесулер жастарға өз тамырын тереңірек түсінуге, уақыттар сабақтастығын сезінуге және ұлттық мәдениетті сақтау – әр буынның маңызды міндеті екенін ұғынуға көмектеседі.
