Ақмола облысының бас полицейі БАҚ қызметкерлерін кәсіби мерекемен құттықтады, – деп хабарлайды Polisia.kz.
28 маусымда Қазақстан Республикасында бұқаралық ақпарат құралдары қызметкерлерінің күні атап өтіледі. Бүгін облыстық Полиция департаментінің қабырғасында бас ақмолалық полицей журналистерді құттықтады.
– Сіздер құқық бұзушылық пен қылмыстың алдын алу, Ақмола өңірі тұрғындарының құқықтық мәдениетін арттыру және адамдардың полицияға деген сенімін арттыруда үлкен жұмыс атқарудасыздар. Әрбір жеке жолдың, мақаланың немесе репортаждың артында нағыз кәсіпқойлар тұр. Билік пен халық арасындағы коммуникацияның тиімді арнасын ұсына отырып, сіз өзекті мәселелерді көтеріп, қазақстандықтарға ақпараттың үлкен ағымында бағдарлануға көмектесесіздер, – деп атап өтті Думан Таев.
Полиция департаментінің бастығы БАҚ өкілдеріне полиция ведомствосының қызметін жариялау саласындағы тығыз әрі тиімді өзара іс-қимыл үшін алғысын білдіріп, алты журналистке «Қазақстан полициясына 30 жыл» төсбелгісін табыс етті. Республикалық және облыстық БАҚ-тың 9 қызметкері грамотамен, 6-ы алғыс хатпен марапатталды. «Қазақстан полициясына 30 жыл» төсбелгісімен ПД бастығының баспасөз хатшысы Гүлнар Пинчук марапатталды.
Д. Таев Полиция департаментінің қызметкерлері алдағы уақытта да БАҚ өкілдерімен белсенді ынтымақтасуға дайын екенін, барынша ашықтық пен сындарлы диалогқа бағытталғанын атап өтті.
Өз кезегінде, облыстық «Акмолинская правда» қоғамдық-саяси газетінің тілшісі Нина Митчинова Полиция департаментінің ұжымын құттықтады.
– Осы мүмкіндікті пайдаланып, қызметі қауіпті және қиын барлық адамдарды құттықтаймын. Біз бір ортақ іс жасаймыз: сіздер елде, көшелерде, үйлерде тәртіпті қамтамасыз етесіздер, ал біз көңілде тәртіпті қамтамасыз етуіміз керек. Сізден тек жағымды ақпараттық себептер алынсын. Елімізде бейбітшілік, бірлік және осындай мерекелер болсын, – деді ол.
Бұл күні Полиция департаментінің бастығы ПД баспасөз қызметінің ұжымын жеке құттықтап, оларға алғыс хаттар мен гүл шоқтарын табыс етті.
