Павлодар облысында 240 сотталған мектеп партасына отырды, – деп хабарлайды Polisia.kz.
Міндетті орта білім туралы заңға сәйкес әр түрлі себептермен мектепті бостандықта бітіре алмағандар колонияда мұндай мүмкіндікке ие.
АП-162/3 қауіпсіздігі орташа мекемесінде және АП-162/4 мекемесінде 240 сотталғанға мектеп тізілімі мен сынып сағаты ұйымдастырылды. Бұл – 10 және 11-сынып оқушылары.
– Сотталғандар оқуды бастады, кесте құрылды, оқуға барлық материалдар дайындалды. Оқу бағдарламасы облыстық білім басқармасымен бекітілген және қарапайым мектептерде оқытылатыннан айырмашылығы жоқ. Сонымен қатар, кітапханаларда толыққанды оқуға арналған әдебиеттер жеткілікті. Эпидемиологиялық жағдайға байланысты сыныптағы орындықтарға бір-бірлеп отырғызылатын болады, сыныптарға антисептиктер орнатылады, маскалар таратылады, – дейді №43 мектеп директоры Мейрам Маликов.
– Мен мектепті тастап кеттім, бірақ анам менен аттестат алуды талап ететін. Колонияға түскен соң мен мектепті осы жерде бітіруге шешім қабылдадым, былайша айтқанда, мен уақытымды пайдалы өткізбекпін. Егер уақытым болса, мектептен кейін колледжге барамын. Бүгін мен анама қоңырау шалып, қазір оқушы екенімді айттым. Анам өте қуанышты, мен ризамын, – дейді сотталған Максим.
Жаз мезгілінде мектептер жөндеуден өтті. Мектеп бітірісімен оқушылар орта білім туралы аттестат алады, қаласа болашақта колледжде оқып, орта арнаулы білім туралы диплом алулары мүмкін.
